Аврамопулос: Грција ја поддржува интеграцијата на Македонија
13 јули 2012Реклама
Шефот на грчката дипломатија синоќа (12.07) во Атина имаше состанок со амбасадорите на земјите од ЕУ на кој рече дека грчкото претседателство со ЕУ во 2014. година ќе даде нова енергија во процесот на пристапувањето кон Унијата на земјите од Западен Балкан.
Аврамопулос, јави дописникот на МИА од Атина, изрази увереност дека Кипар како претседавач со ЕУ е добро подготвен да ја води Унијата кон подобра Европа, и покрај големите предизвици со кои ќе мора да се соочи.
Во врска со одлуката на Турција да ги замрзне односите со ЕУ за време на кипарското претседателство, тој рече дека таквото однесување не е во согласност со земја кандидат за влез во Унијата која има обврска да покаже почит кон институциите на ЕУ.