1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Ziyarar shugaban Falasdinawa Mahmud Abbas a birnin Washington

Shugaban hukumar mulkin cin gashin kan Falasdinawa Mahmud Abbas ya isa birnin Washington inda zai gana da shugabn Amirka GWB. Tattaunawar da zasu yi a fadar White House ita ce ta farko tun bayan janyewar Isra´ila daga Zirin Gaza a cikin watan jiya. Jami´an Falasdinawa sun ce Abbas zai bukaci Bush da ya matsawa Isra´ila lamba ta rushe matsugunan Yahudawa da aka gina ba bisa ka´ida ba tare da yin kira ga Isra´ila da ta dage sabuwar dokar da ta kafa ta hana Falasdinawa amfani da manyan hanyoyin mota a Gabar Yamma da Kogin Jordan. A nasa bangaren ana sa ran Bush zai yi kira ga Abbas da ya kara daukar sahihan matakan hana hare-haren ´yan takifen Falasdinawa akan Isra´ila, musamman bayan wani harin da aka kai kan Yahudawa ´yan share wuri zauna a ranar lahadi da ta gabata.