1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Ziyarar Mahamud Ahmadinedjad a Lebanan

Shugaban ƙasar Iran ya sami tarbe na karamci a ziyarar da ya kai a ƙasar Lebanan.

default

Ganawar Mahmud Ahmadinedjad da Michel Suleiman na Lebanan

Sugaban ƙasar Iran Mahamud Ahmadinejad ya gabatar da zazzafan jawabi a ziyara aikin da ya kai ƙasar Lebanon,inda ya bayyana cikkaken goyan bayan ga  yaƙar Israel  wadda ya ce ta mamaye Lebanon da Syria.Shugaban ya yi kira ga al´umar Lebanan ta tashi tsaye tsayin daka domin korar a ta bakinsa, haramtaciyar ƙasar Israela daga yankunan da ta mamaye.

A jiya ya gana da takwaransa Michel Suleiman, inda su yi masanyar ra´ayoi game da halin da ake ciki a rikicin Gabas ta Tsakiya, da kuma sauran batutuwa da su ka shafi ma´amila tsakanin ƙasashensu biyu.

Wannan itace ziyara farko da shugaban Iran ya kai Lebanon tun  hawansa karagar mulki a sherkara 2005.

Sakatariyar harakokin wajen Amurika Hillary Clinton ta yi Allah wadai da wannan ziyara wadda ta ke wa kallon wata hanya ta maida hannun agogo baya a yunƙurin samar da zaman lafiya a ƙasar Lebanon.

Mawallafi: Yahouza Sadissou Madobi

Edita :Ahmad Tijani Lawal