1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Ziyarar Condoleezza Rice a gabas ta tsakiya

Sakatariyar harkokin wajen Amurka Condoleezza Rice na ziyarar mako guda a gabas ta tsakiya domin nazarin cigaban da aka samu na wanzuwar zaman lafiya a yankin. Ta fara yada da zango a saudi Arabia domin tattaunawa da sarki Abdullah inda daga nan zata nufi Masar da Israila da kuma yankin Palasɗinawa. Ziyarar, ita ce ta farko tun bayan da aka kawo ƙarshen yaƙin da ya gudana a Lebanon tsakanin Israila da Hizbullah. Wasu manazarta sun soki lamirin shugaba Bush da cewa bai maida hankali ba sosai wajen sulhunta rikicin Israila da Palasdinawa inda suke baiyana shakku cewa ziyarar ta Rice ba zata yi wani tasiri ba.