Ziyara Gordon Brown a Amurika
July 30, 2007Praministan Britania Gordon Brown ya kai ziyara farko a Amurika, tun bayan hawan sa akan karagar mulki, ranar 27 ga watan da ya gabata.
Gordon Brown, ya yi ganawar farko da shugaba Georges Bush, inda su ka tanttana batutuwa daban-daban da su ka jiɓanci mu´amila tsakanin ƙasashen 2, da harakokin diplomatia na dunia, mussaman rikicin yankin Darfur na ƙasar Sudan, da kuma ƙiƙi-ƙaƙar da ake fuskanta, a tantannawar da ake, a hukumar cinikayya ta Majalisar Dunia, wato WTO, ko kuma OMC tsakanin ƙasashe masu ƙarfin tattalin arziki da takwarosin su masu fama da talauci.
Nan gaba a yau shugabanin 2, za su masanyar ra´ayoyi, a game da halin da ake ciki a yakin ƙasar Irak.
A kan hanyar sa ta zuwa Amurika, Praminista Brown ya mussanta raɗe-raɗin da ake, na cewar Britania bisa jagoranci sa, zata yi nesa-nesa da Amurika, ta la´akari da yadda Bush ya kai ƙasar ya baro a rikicin Irak.
Danganta tsakanin Amurika da Britania inji Gordon Brown, „takalmin kura ne mutu ka raba“.
Gordon Brown ya yabawa Amurika,a game da ƙoƙarin ta, na yaƙi da ta´danci a dunia.
Zai kammalla wannan ziyara gobe talata, bayan ya gana da sakatare Jannar na Majalisar Ɗinkin Dunia Ban Ki Moon a birnin New York.