1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Zaman majalisar dokokin Isra´ila Knesset

A yau sabuwar majalisar dokokin Isra´ila zata fara zaman ta na farko, inda FM rikon kwarya Ehud Olmaert zai kammala tattaunawar kafa wata sabuwar gwamnatin kawance. Tsohon FM Shimon Peres zai jagoranci zaman majalisar a matsayinsa na dan jam´iyar FM Olmert wato Kadima. Shi ma shugaba Moshe Katsav zai halarci zaman majalisar ta Knesset. Jam´iyar Kadima ta lashe kujeru 29 daga cikin 120 na majalisar dokokin a babban zaben da ya gudana a ranar 28 ga watan maris.