Hare-hare na kara lalata Yemen

Tuni dai kungiyar 'yan ta'addan IS da ke rajin kafa daular Musulunci ta dauki nauyin kai wannan hari. Harin na farko dai wani dan kunar bakin wake ne ya kai shi, inda ya tashi motarsa da ke makare da bama-bamai a kofar ofishin rundunar sojojin kasar dai dai lokacin da ake tantance sojojin da za a dauka aiki.

Hari na biyu kuwa an kai shi ne a kofar gidan wani babban jam'in tsaro, inda maharin ya tayar da bama-baman da ke daure a jikinsa cikin wasu taron sojoji da ke tsaye. A baya-bayan nan dai sojojin gwamnatin kasar da ke samun goyon bayan dakarun rundunar taron dangi wadda Saudiya ke wa jagoranci, na fuskantar hare-hare daga kungiyar 'yan ta'adda ta IS.