1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Yemen: Saudiya ta amince da yin sulhu

Ministan harkokin kasashen ketare na kasar Saudiya Adel al-Jubeir ya bayyana goyon bayansa da taron tattaunawa domin kawo karshen rikicin kasar Yemen.

Jubeir ya bayyana goyon bayan nasa ne ga manema labarai jim kadan bayan kammala taron kasashen Larabawa da Amirka a birnin Riyadh na kasar Saudiyan. Ya kara da cewa suna goyon bayan taron kuma yana fatan za a shawo kan matsalar domin tabbatar da zaman lafiya da tsaro da kuma daidaito a Yemne din. Majalisar Dinkin Duniya dai ta shirya gudanar da wani atro cikin wannan watan a birnin Geneva domin tattauna yadda za a kawo karshen rikicin da ya lakume rayuka da dama. Tun dai cikin watan Maris din da ya gabata ne Saudiya ta kaddamar da jagorantar kawayenta kasashen Larabawa wajen yin barin bama-bamai da jiragen yaki a Yemen din a kokarin da suka ce suna yi na fatattakar 'yan tawayen Huthi da ke kokarin raba gwaninsu Shugaba Abedrabbo Mansour Hadi da mulkin Yemen din.