Yawan ´yan gudun hijira ya karu a duniya baki daya
June 19, 2007Talla
A karon farko cikin shekaru 5, a bara yawan ´yan gudun hijira a duniya baki daya ya karu matuka gaya. Babbar hukumar kula da ´yan gudun hijira ta MDD ta ce an shiga wannan mummunan hali ne sakamakon yakin kasar Iraqi. A cikin rahotonta na shekara wanda ta bayar yau ranar ´yan gudun hijira ta duniya, hukumar ta ce tashe tashen hankula da ke kara yin muni a Iraqi ya tilastawa ´yan kasar su kimanin miliyan daya da rabi tserewa. Har yanzu dai kasar Afghanistan ce ta fi yawan ´yan gudun hijira a duniya baki daya.