1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

'Yan tawayen Siriya sun harbo jirgin sojoji

Abdul-raheem Hassan
July 11, 2017

Gamaiyar kungiyoyin 'yan tawaye sun kakkabo wani jirgin yakin sojojin gwamnatin Siriya, da ke shawagi a kusa da lardin Sweidea da ke ckin yankunan da aka cimma tsagaita wuta.

https://p.dw.com/p/2gMI0
Deutschland Syrien-Einsatz Transportflugzeug A400M Abflug
Hoto: Getty Images/S. Gallup

Kungiyoyin kare hakkin bil'adama da ke sa'ido a Siriya, sun tabbatar da ganin guraguzan jirgin bayan da 'yan tawayen suka fidda sanarwar daukar alhakin harbo jirgin. To sai dai kungiyoyin sun kuma bada tabbacin jin karar harbe-harbe dake nuna alamun ci gaba da gumurzun wuta tsakanin 'yan tawayen da dakarun gwamnati a tsaunuka da ke kan iyakan da Damascus a wannan wannan Talata.

Wannan dai na zuwa ne a dai-dai lokacin da sojojin da ke samun goyo bayan dakarun Amirka a Siriyar, ke ikirarin kwace wani yanki da dake zama sansanin IS na samun horo, sansanin da ke kusa da babar cibiyar mayakan dake arewacin Siriya wato Raqa.