1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

´Yan tawaye a Kolombia sun kai harin kan ´yan sanda

Fiye da mutane 20 sun rigamu gidan gaskiya sannan da dama suka jikata a wani hari da ´yan yakin sunkurun Kolombia suka kai kan wani sansanin ´yan sanda. Kamar yadda hukumomi suka nunar, daga cikin wadanda suka mutu akwai ´yan sanda da ´yan tawaye da kuma fararen hula. Rahotannin sun yi nuni da cewa ´yan tawayen kungiyar FARC su kimanin 70 suka kai hari da bindigogin masu sarrafa kansu da rokoki akan sansanin ´yan sanda dake garin Tierradentro dake can arewacin kasar. Wannan dai shi ne hari mafi muni da ´yan tawayen suka kai tun bayan da shugaban kasa Alvaro Uribe ya dakatar da tattaunawar da ake yi da kungiyar FARC akan yiwuwar yin musayar firsinonin ´yan tawaye da mutanen da ´yan yakin sunkurun ke garkuwa da su.