1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

'Yan gudun hijira 18 sun halaka a teku

Jirgin ruwan da ke dauke da 'Yan gudun hijira ya tuntsire a kusa da gabar ruwan yankin Kudu maso Yammacin Turkiyya. Mutane 18 ne suka mutu, yayin da aka ceto 15.

akalla mutane 18 sun halaka bayan da jirgin ruwan da ke dauke da su a tuntsire a kusa da gabar ruwan tashar shakatawa ta Didim da ke a Kudu maso Yammacin Turkiyya.

Sai dai Jami'an gabar ruwan Turkiyyar sun ce sun yi nasarar ceto wasu 'yan gudun hijirar 15 da ransu da ke a cikin jirgin wanda ke kan hanyar zuwa kasar Girka.

Kuma sun ce yanzu haka sun aika da jiragen ruwa uku da mai dirar angulu guda su na yawo a yankin domin ceto sauran mutanen da ke da sauran kwana a gaba ko kuma gawarwakin wadanda tekun ta ritsa da su.