1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo

'Yan bindiga sun yi garkuwa da minista a Iraki

Suleiman BabayoSeptember 8, 2015

Mai-rikon mukamin mataimakin ministan shari'a ne aka yi garkuwa da shi a yankin arewacin birnin Bagadaza na kasar Iraki.

https://p.dw.com/p/1GTIV
Irak Polizei Bagdad
Hoto: Reuters/A. Saad

'Yan bindiga sun yi garkuwa da mai-rikon mukamin mataimakin minista shari'a na kasar Iraki. Jami'an tsaro suka ce an yi garkuwa Abdel Karim Faris a yankin Arewa maso Gabashin birnin Bagadaza, kuma ya zama garkuwa na biyu cikin mako guda.

Mai-magana da yawun ma'aikatar shari'ar ya ce an yi garkuwa da mataimakin ministan Karim Faris tare da masu kare lafiyarsa biyu. Haka yana zuwa kwanaki hudu bayan garkuwa da 'yan Turkiya 18 masu aiki da kamfanin gine-gine a birnin na Bagadaza. Kasar ta Iraki ta dade ta na fuskantar matsalolin tsaro da tashe-tashen hankula.