1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

'Yan bindiga sun kai hari kan wani gidan yari a kudancin Mali

Ba a dai san wadanda suka kai harin ba, amma masu kishin addini sun tsananta hare-hare a Mali cikin wannan shekara.

Wasu 'yan bindiga da ba a gane su ba sun kubutar da firsinoni 21 a garin Banamba da ke kudancin kasar Mali a daren ranar Lahadi a wani abinda ministan shari'ar kasar ya kwatanta da "harin ta'addanci". Mamadou Ismael Konate ya fada a wannan Litinin cewa maharan su shida sun so su saki wasu 'yan ta'adda biyu amma ya ce tuni an mayar da su wani gari. Ministan ya ce wani gandiroba ya bace bayan harin da 'yan bindiga suka kai, sai dai bai yi karin bayani. Ko da yake ba a san wadanda ke da hannu a harin ba amma a wannan shekara kungiyoyin kishin addini irinsu Ansar Dine sun tsananta kai hare-hare a cikin Mali, inda suka kai hare-hare har guda 60 ciki har da wanda suka kai kan cibiyoyin Majalisar Dinkin Duniya da wasu wurare, kana suna kara kutsawa kudancin kasar inda a da ke zaman tudun mun tsira.