1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Yaki da Polio a ziyarar Fafaroma Francis a Mexiko

Shugaban darikar ta Katolika ya diga allurar rigakafin wannan cuta me nakasa yara a bakin wani yaro da Angelica Rivera matar shugaban kasar ta Mexiko ta dauka.

Mexiko Papst Franziskus von Pena Nieto empfangen

Fafaroma Francis na musabaha da yara tare da shugaban kasar Mexiko da mai dakinsa

Fafaroma Francis ya kaddamar kamfe na yaki da cutar Polio a kasar Mexiko a ranar Lahadi, bayan ziyarar da ya kai wani asibitin kananan yara a birnin Mexiko a ziyarar da ya ke a wannan kasa. Da yake jawabi ga taron manema labarai a yammacin ranar Lahadi Frederico Lombardi, mai magana da yawun fadar ta Vatican ya ce shugaban darikar ta Katolika ya diga allurar rigakafin wannan cuta me nakasa yara a bakin wani yaro da Angelica Rivera matar shugaban kasar ta Mexiko ke dauke da shi. Abin da ke nuna fara kamfe na yakar wannan cuta a cewar Lombardi .

"Abin sha'awa a nan shi ne Fafaroma ya kaddamar da kamfe kan wannan cuta a wannan rana, sannan ya yi kyautar magunguna na wannan cuta ta Polio abin da ke nuna cewa an kaddamar da yaki da wannan cuta a wannan shekara."

Har-ila-yau a jawaban da ya gabatar yayin wani taron addua da ya jagoranta da mabiya kimanin 300,000 da suka halarta a ranar ta Lahadi, Fafaroma ya bukaci al'ummar wannan kasa da su gujewa ribatar shedan da ke sanyawa wasunsu basa daukar dillancin kwayoyi da kisan al'umma a matsayin abin da ba laifi ba saboda kekashewar zuciya.