1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Yaki da aiyyukan ta´adda a Masar

Yan sandan kasar Masar sun harbe shugaban kungiyyar tsagerun matasan da suka kai harin bam a yankin Sinai na yan yawon shakatawa.

A cewar rahotanni, yan sandan sun harbe Naseer Khamis Al Mallahi ne, bayan wani dauki ba dadi daya wanzu a tsakanin yan kungiyyar su ta Tawhid Wal Jihad da kuma jami´an tsaron.

Bugu da kari, jami´an tsaron sun kuma sami galabar cafke na hannun daman shugaban kungiyyar ta Tawhid wal Jihad, wato Mohd Abdalla Elian.

Idan dai za´a iya tunawa an zargi yan kungiyyar ta Tawhid wal Jidad din ne da kai harin bam a Dahab a watan afrilun daya gabata, wanda hakan yayi sanadiyyar rasuwar yan yawon shakatawa 19.