1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Siyasa

Wasu sojojin Nijar sun mutu a Sahara

Ahmed Salisu
August 3, 2017

Akalla sojojin Nijar 3 ne suka rasa rayukansu a cikin hamadar Sahara sannan aka ceto wasu 8 da ransu bayan da suka bace a lokacin da suke yin wani sintiri na hana bakin haure ketarawa zuwa Libiya da nufin shiga Turai.

https://p.dw.com/p/2hezN
Nigeria - Soldaten an der Grenze zu Niger
Hoto: Getty Images/AFP/I. Sanogo

Wakiliyarmu da ke Agadez Tilla Amadou ta ce hukumomi sun ce rashin ruwa ne ya yi sanadiyyar rasuwar sojojin, kuma tuni aka bada sunayensu wadanda suka hada da Sufeto Abdou Brah da Mamane Sani Souley da kuma Daouda Adamou Kondo. Tuni dai gwamnan Agadez Sa'adou Soloke ya kama hanyarsa ta zuwa birnin Arlit don tattaunawa da jami'ai kan wannan lamari. Jihar Agadez dai na zaman guda daga cikin wuraren da 'yan cirani ke amfani da ita a yankurinsu na zuwa Turai.