1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Trump ya yi jinjina ga Kim Jong Un

Yusuf Bala Nayaya
April 24, 2018

Shugaba Trump ya ce shugaban Koriya ta Arewan mutum ne wanda ba ya boye komai da ke zuciyarsa, yana ganin ya cancanci mutuntawa matuka.

https://p.dw.com/p/2waBI
Bildkombo Kim Jong Un und Donald Trump
Hoto: picture-alliance/AP/dpa/Wong Maye-E

Shugaba Donald Trump na Amirka ya yi yabo da jinjina ga Shugaba Kim Jong Un inda ya ce "mutum ne da ba shi da boye-boye" me kuma "cikar kima", ya kara da cewa shugaban na Koriya ta Arewa na son su gana nan ba da dadewa ba. Ya ce suna tattaunawa me cike da fahimta tsakaninsu. Shugaba Trump ya bayyana haka ne gabannin tattaunawar da za su yi da shugaba Kim Jong Un wacce ake sa rai a yi kafin karshen watan Yuni. Trump ya ce mutum ne wanda ba ya boye komai da ke zuciyarsa, yana ganin "ya cancanci mutuntawa matuka."