Trump: Shirin ganawa da Kim ya kammala

Shugaban ya ambata hakan ne dazu lokacin da ya ke amsa tambayoyin manema labarai a fadar White House lokacin da ya marabci firaministan Japan Shinzo Abe inda shugabannin za su tattauna kan batutuwa da dama ciki kuwa har da dangantakar Amirka da Koriya ta Arewa. Shugaban na Amirka ya ce har yanzu kasarsa na nan kan bakanta na ganin Arewa ta yi watsi da shirinta na nukiliya inda ya kara da cewar in hakan ba ta yiwu ba to Washington za ta kasance ba ta da zabi illa ta kara kakakabawa Arewan din takunkumi.