1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

Tattauna batun aikin hajji tsakanin Iran da Saudiyya

Salissou BoukariApril 15, 2016

A wani mataki na shirin fuskantar ayyukan hajjin bana, hukumomin Saudiyya da na Iran sun soma wata ganawa a birnin Makka.

https://p.dw.com/p/1IWbU
Saudi-Arabien hunderte Tote bei Massenpanik in Mekka
Mahajjata a birnin Makka na kasar SaudiyyaHoto: Reuters/A. Masood

Wannan dai ita ce haduwa ta farko a hakumance tsakanin hukumomin biyu na Saudiyya da Iran tun bayan tsinke huldar diflomasiyyar da suka yi a watan Janairu da ya gabata, bayan da wasu masu adawa da kisan da aka yi wa shehin malamin nan na Shi'a a Saudiya, suka kai hari a ofishin jakadancin kasar ta Saudiyya a birnin Teheran.

A baya dai Saudiyya ta haramta dukannin wata zirga-zirgan jiragen sama tsakaninta da Iran sakamakon katse huldar diflomasiyyar. Kasashen biyu dai na da mabanbantan ra'ayoyi bisa fannoni da dama, kamar na yaki a kasar Siriya, inda Iran ke tallafawa gwamnatin Bashar Al-Assad yayin da Saudiyya ke taimaka wa 'yan tawaye.