1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Taron ministocin harakokin tsaro na ƙasashen EU.

V

Ministocin harakokin tsaro na ƙasashe membobin ƙungiyar gamayya turai, sun yi zamman taro yau, a birnin Innsbruck, na ƙasar Austriya.

Mahimman batutuwan da ke ajendar wannan taro, sun haɗa da aika dakarun shiga tsakani a Jamhuriya Demokraɗiyar Kongo, da batun girka assusun talafawa bincike, a kan harakokin tsaro a nahiyar turai.

Kazalika mahalarta taron, sun yi masanyar ra´ayoyi, a game da al´amuran ta´adanci a dunia.

A ƙarshen watan desember da ya wuce, Majalisar Ɗinkin Dunia, ta buƙaci ƙungiyar gamayya turai, ta aika dakarun shiga tsakani, a Jamhuriya Demokraɗiya Kongo da ke fama da rikicin tawaye.

A tsarin da su ka shirya, ƙasashen EU za su tura bataliya guda da za ta ƙunshi sdakaru dabu 1 zuwa 1250, a wannan yanki na tsakiyar Afrika.

Saidai ,a sakamakon mahaurorin da su ka gudanar yau, a a kan wannan batu, ministocin tsaron EU, ba su cimma matsaya ba, ta bai ɗaya, a game da aika wannan runduna, amma za su ci gaba da tuntubar juna, kamar yadda ministan harakokin tsaron Jamus, Franz Josef Jung ya bayyana.