1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

Tarihin Sepp Blatter shugaban FIFA

Suleiman BabayoSeptember 9, 2015

Sepp Blatter shugaban hukumar FIFA ya dade ya na aiki da hukumar kafin nasarar jagoranci da ya samu. Zai sauka daga wannan mukami bayan zaben shekara mai zuwa.

https://p.dw.com/p/1GTpA
Schweiz, Sepp Blatter auf Pressekonferenz
Hoto: Getty Images/P. Schmidli

An haifi Sepp Blatter shugaban hukumar FIFA ranar 10 ga watan Maris 1936 a kasar Switzerland inda yake da shekaru 79 da haihuwa. Ya fara shugabancin hukumar ta FIFA tun daga watan Yuni shekarar 1998. Ya yi karatu a kasar ta Switzerland zuwa matakin digiri a fannin kasuwanci da tattalin arziki.

Tun shekarar 1975 Blatter yake aiki da hukumar FIFA, inda ya rike mukamai daban-daban, kuma bayan sake lashe zaben shekara ta 2015, Blatter ya bayyana ajiye aiki domin bayar da dama a sake zaben sabon shugaban hukumar ta FIFA sakamakon rudanin cin hanci da rashawa da suka mamaye hukumar.

A bangaren iyali Sepp Blatter na da mata wadda suka rabu kuma ya sake aure hau sau uku, sannan ya na da 'ya daya.