1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Taiwan: An rantsar da sabuwar shugaban kasa

Tsai Ing-wen ta kasance mace ta farko da aka rantsar a matsayin shugaban kasar Taiwan da ke fama da kalubalen tattalin arziki saboda rashin fitar da haja zuwa ketare.

Hawan ta kan kujerar shugabanci ya sake maido da jam'iyyar fafutukar demokaradiyya ta Progressive Party jan akalar lamuran kasar, tsaka-tsakin zaman doya da manja da Beijing.

Tsai ta sha rantsuwar karbar mulki ne a harabar fadar shugaban kasa da ke birnin Taipei gaban tutar kasar da hoton Sun Yat-sen, wanda ya kafa Jamhuriyar China amma ya yi kaura zuwa Taiwan a shekarata 1949, lokacin da 'yan kwammunisanci suka kwace mulkin Chinan.Shugaba Tsai dai na fuskantar kalubalen tattalin arziki da ya durkushe sakamakon rashin fitar da haja daka kasar, kasancewa babu mabukatu.