1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Sulhu tsakanin Hamas da Fatah

Shugaban hukumar palestinawa Mahamud Abbas, tare da shika shikan Hamas, sun cimma daidaito, da sanhin sahiyar yau, a kan wajibcin fahintar junan su.

Ranar jiya ,idan ba a manta ba, magoyan bayan ɓangarorin 2 sun ba hammatoci iska, a zirin Gaza, wanda a sakamako hakan, mutane da dama, su ka ji raunuka.

Jim kaɗan kamin wannan rikici, shugaban hukumar palestinawa Mahamud Abbas, ya ƙi amincewa da naɗin da gwamnatin hamas ta yi wa,Djamal Abu Samhadana, mai tsatsauran ra´ayi, a matasayin shugaban rundunar yan sanda.

Shugaban Hamas, Khaled Mechaal, ya soki Abbas da kakkaussan lafazi, a dalili da wannan mataki, da ya ɗauka.

Ya dangata shi, da ɗan amshin shatan Amurika da Turai.

Wannan kalamomi, sun hadasa zanga zanga, daga magoya bayan jam´iyar Fatah ta Mahamud Abbas.

A sakamakon ganawa tsakain ɓangarorin 2, an cimma mataki ɗaya, na kwantar da hankulla da kuma haɗin kan Palestinawa domin fuskantar Isra´ila.