1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

SPD za ta fidda dan takara a watan Janairu

Jam'iyyar SPD a Jamus ta ce za ta yi aiki cikin natsuwa kafin tsayar da dan takarar neman mukamin shugaban gwamnati wanda za a yi zabe kansa a cikin shekara mai kamawa.

Deutschland SPD-Parteikonvent in Wolfsburg (picture-alliance/dpa/J. Stratenschulte)

Martin Schulz da Sigmar Gabriel a gun wani babban taron SPD a garin Wolfsburg

Jam'iyyar SPD da ke cikin gwamnatin kawancen Jamus ta ce a farkon shekarar 2017 za ta yanke shawara game da wanda za ta tsayar takarar nemen mukamin shugaban gwamnatin Jamus. Majiyoyin jam'iyyar a birnin Berlin sun nuna cewa a gun babban taron manyan shugabanninta a karshen watan Janerun 2017 za a tsayar da dan takarar. Shugabanta Sigmar Gabriel da shugaban majalisar dokokin Turai Martin Schulz ke kan gaba a jerin 'yan takarar. Da farko Firimiyar jihar North-Rhein Westfalia, Hannelore Kraft 'yar jam'iyyar SPD, ta ce za su yi aiki cikin tsanaki.

Ta ce: "Social Democrat jam'iyya ce mai ji da kanta. Tsarin lokacinta bai dogara kan lokacin da CDU da CSU suka tsayar da dan takara ba. A saboda haka za mu tattauna da juna cikin tsanaki, kun san dokokinmu ba bu kuma abinda ya canja a ciki."

A wannan Lahadi shugabar gwamnatin Jamus Angela Merkel, 'yar jam'iyyar CDU, wadda tun a shekarar 2005 ke rike da wannan mukami ta ce za ta sake yin takara karo na hudu a jere.