Shugaban Somalia yayi kira da a tura dakarun zaman lafiya a ƙasar | Labarai | DW | 05.01.2007
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Shugaban Somalia yayi kira da a tura dakarun zaman lafiya a ƙasar

Shugaban Somalia Abdullahi Yusuf Ahmed yayi kira da a girke dakarun kiyaye zaman lafiya na kasa da kasa nan take a cikin kasar sa. Yusuf ya fadawa taron kungiyar tuntubar juna game da Somalia wanda jami´an diplomasiya na kasashen yamma da takwarorinsu na Afirka ke halarta a birnin Nairobi cewa samun nasara kan ´yan Islama zai ba da damar wanzar da zaman lafiya a yankin baki daya. Ana kyautata zaton cewa dakarun Afirka zasu fi yawa a cikin wannan runduna ta kasa da kasa. A wani labarin kuma dakarun gwamnatin Somalia da ke samun taimakon dakarun Ethiopia sun ce suna shirin kaddamar da wani gagarumin farmaki akan sansanin na karshe na ´yan Islama dake can kudancin kasar. Wani labarin da muka samu yanzu yana cewa Ethiopia zata janye dakarun ta daga Somalia a cikin makonni biyu masu zuwa.