1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Shugaba Al-Assad na Syria yayi tazarce

Opishin ministan cikin gida na ƙasar Syria, ya bayyana sakamakon zaɓen da jama´ar ƙasa ta gudanar a jiya lahadi.

Wannan sakamako ya nunar da cewa, kashi kussan 98 cikin ɗari na jama´ar da su ka kaɗa ƙuri´ a ,sun nuna amincewa da shugaban ƙasa Bashar Al –Assad, ya yi tazarce , har tsawan shekaru 7 masu zuwa.

Ministan cikin gida, Bassam Abdel Madjid, ya nuna gamsuwa da wannan sakamako, da ya dangata da ci gaban demokradiyar a Syria.

A watan da mu ke ciki ne, yan majalisar dokoki su ka buƙaci Bashar Al-ASssad, ɗan shekaru 41 a dunia, ya sake ajje takara.

An zaɓe shi da farko a shekara ta 2000,domin ya gaji uban sa, Hafez El Assad da Allah ya ma cikawa.