1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Shirin zaɓe a Guinea na fuskantar Ƙalubale

Hukumar zaɓe ta Guinea ta ce zai yi wuya a gudanar da zaɓen shugaban ƙasa kamar yadda aka tsara ran 24 ga watan Oktoba

default

Magoya bayan masu takarar neman kujerar shugaban ƙasa a Guinea

Sabon shugaban hukumar zaɓe a ƙasar Guinea, ya yi gargaɗin cewa har yanzu babu wani shiri takamaimai da aka yi, domin gudanar da zaɓen ƙasar a ran lahadi mai zuwa kamar yadda aka tsara, wanda kuma ake sa ran zai mayar da ƙasar bisa turbar demokraɗiyya. Siaka Toumany Sankare, wanda aka naɗa, a matsayin shugaban hukumar zaɓe a ran talata, bayan da aka zargi tsohon shugaban da murɗiyya, ya ce zai yanke shawarar ko za'a yi zaɓen a yau Juma'a. A halin da ake ciki yanzu, ministan harkokin wajen Faransa Bernard Kouchner ya bada shawarar a jinkirta zaɓen. Wannan zagaye na biyu na zaɓen dai za'a fafata ne tsakanin Cellou Dallein Diallo tsohon Frimiyar ƙasar da shugaban 'yan adawar ƙasar Alpha Conde.

Mawallafiya: Pinaɗo Abdu

Edita: Umaru Aliyu