Shirin yiwa tsarin kiwon lafiyar Amirka garambawul | Labarai | DW | 21.03.2010
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Shirin yiwa tsarin kiwon lafiyar Amirka garambawul

Majalisar wakilan Amirka na kan kaɗa ƙuri´a kan yiwa tsarin kiwon lafiyar ƙasar gyaran fuska

default

Shugaban Amirka Barak Obama

Majalisar wakilan Amirka na shirin kaɗa ƙuri´a akan shirin shugaba Barak Obama na yiwa tsarin kiwon lafiyar ƙasar kwaskwarima, shirin da ake taƙaddama kansa. Bayan ya shafe sama da shekara guda yana ƙoƙarin shawo kan ´yan jam´iyar adawa ta Republicans, shugaba Obama na fatan samun ƙuri´u 216 da yake buƙata don zartas da wannan mataki da ake kace-nace kansa. Ko da yake ana sa rai ƙuri´ar za ta yi ƙarfi, amma an jiyo Obama na mai kyautata fatan cewa sabon tsarin zai samu amincewar ´yan majalisar. A lokacin da yake jawabi ga ´yan majalisar Obama cewa yayi.

"Ba ni za ku yiwa ba. Ba jam´iyar democrats za ku yiwa ba. A´a ku yiwa al´umar Amirka domin su ne ke son ganin an ɗauki wannan gagarumin matakin."

To sai dai a lokaci ɗaya shugaban ya amsa cewar gyarar fuskar da za a yi wa tsarin kiwon lafiya ba zai iya magance dukkan matsalolin da ke a ƙasa ba.

Mawallafi: Mohammad Nasiru Awal

Edita: Abdullahi Tanko Bala