1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Shari´ar Charles Taylor

Kotun ƙasa da ƙasa dake gudanar da shari´ar lefin kissan ta ce ta shirya tsap! Dominfara shari´ar tsofan shugaban ƙasar Liberia Charles Taylor, tun ranar litinin mai zuwa.

Kotun a na tuhumar Taylor, da manyan lefika ɗaya na bin ɗaya har guda 11, da su ka haɗa da kissan gilla, fyaɗe, ta´adanci , handama,zalunci da dai sauran su,a lokacin yaƙin basasar da ya wakana a Sierra Leone daga shekara ta 1991 zuwa 2002.

Shugaban kotun ƙasa da ƙasar dake birnin Hage, wato Stephen Rapp, ya ce za a kammala wannan shari´a a cikin wattani 18.

Idan dai ba a manta ba, a shekara ta 2003 ne Charles Taylor,ya sauka daga karagar mulkin Liberia, ya kuma samu mafaka a Taraya Nigeria, saidai a shekara da ta gabata, bisa matsin lambar manyan ƙasashen dunia, shugaba Olesegun Obasanjo, ya tasa ƙeyar sa zuwa kotu.

Kasar Britania ta yi tayin karbar Charles taylor a gidan kurkuru da zaran kotu ta kammala shari´ar.