Sarauniyar Ingila ta buƙaci haɗin kai

Akaro na farko Sarauniyar Ingila Elizabeth ta biyu, tun shehkaru fiye da 50, ta yi jawabi a gaban zauren Majalisar Ɗinkin Duniya. Sarauniya Elizabeth ta buƙaci majalisar da ta ci gaba da taka mahimmiyar rawa a hatsarin da duniya ke fiskanta, da kuma kawo ci gaba. Sarauniyar Ingila dake da shekaru 84 a duniya, ta bayyana yadda ta ga Majalsar ta Ɗinkin Duniya ta samu sauyi, bayan da ta yi waiwaye a shekarun baya da ta yi magana a zauren majalisar, lokacin da take buduruwa. Inda ta yi ƙira da a ci gaba da haɗa hannu a nan gaba don samar da cigaban tattalin arzikin duniya. Ta kuma aza furen girmamawa a filin da aka kai harin ta'addanci a ranar sha ɗaya ga watan satumba.

Mawallafi: Usman Shehu Usman

Edita: Umaru Aliyu