1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Sabon sakataren tsaro Amirka ya kai ziyara Bagadaza

Kwanaki biyu bayan an rantsad da shi a mukamin sabon sakataren tsaron Amirka Robert Gates ya isa birnin Bagadaza inda zai gana da kwamandojin Amirka tare da ganewa idon sa irin halin da ake ciki a wani yaki da ya ce ya zamewa Amirka alakakai. Ziyarar ta mista Gates mai shekaru 63 ta zo ne bayan wani sabon rahoto da ma´aikatar tsaron Amirka ta bayar cewar tashe tashen hankula a Iraqi ya kazanta fiye da na kowane lokaci. Rahoto ya ce yawan dakarun Amirka da aka kashe a Iraqin yanzu ya kusan dubu 3. A wani labarin kuma fadar White House ta tabbatar da cewa shugaba GWB ya na duba yiwuwar kara yawan dakarun Amirka a Iraqi na wani gajeren lokaci. A wata hira da aka yi da shi Bush ya ce yana shirin fadada rundunar sojin sa don ta samu sukunin tinkarar ayyukan ta´addanci dake dada yin muni a duniya.