1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Sabbin tashe tashen hankula a Iraki

Mutane da dama sun mutu sakamakon wasu jerin hare-haren bama-bamai da aka kai a fadin kasar Iraqi. A birnin Tikrit dake arewacin kasar dan sanda daya da kuma kananan yara 4 sun rasu a fashewar wani bam a cikin wata babbar mota. Sannan a tsakiyar birnin Bagadaza mutane 4 suka rigamu gidan gaskiya sakamakon wani harin bam. A dangane da kuri´ar raba gardama akan kundin tsarin mulkin kuma har yanzu babu wani karin bayani akan sakamakon wannan kuri´a, baya ga na larduna 13 daga cikin 18 na kasar. A lardin ´yan sunni na Salaheddin ne kadai aka jefa kuri´ar yin fatali da sabon kundin tsarin mulkin.