1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Saakashvili ya doshi hanyar lashe zaɓen shugaban Georgia a zagayen farko

Bisa ga dukkan alamu shugaban Georgia Mikhail Saakashvili ya sake komawa kan mulki bayan zaɓen da aka gudanar a jiya asabar. Sakamakon jin ra´ayin masu zaɓe da aka gudanar bayan kuri´ar ta jiya ya yi nuni da cewa Saakashvili ya samu sama da kashi 50 cikin 100 na yawan kuri´un da aka kaɗa a zagaye na farko na wannan zabe. Shugaban ya fadawa magoya bayansa a hedkwatar jam´iyarsa dake birnin Tiblisi cewa zaɓen nasara ce ga Georgia. To amma ´yan adawa sun yi ƙorafi suna masu cewa an aikata ba daidai ba a zaben. Sun yi kira da a gudanar da wata zanga-zanga a yau lahadi don yin watsi da zaɓen. A wani lokaci yau kungiyar tsaro da hadin kai a Turai wadda ta tura massu sa ido a zabe kimanin dubu daya, zata tofa albarkacin bakinta dangane da zaɓen, amma wani wakilinta daga Jamus Dieter Boden ya nunar da cewa an tabka wasu kurakurai a zaɓen.