1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Ryan ya kare dokar shuagba Trump

Muntaqa Ahiwa
January 31, 2017

Kakakin majalisar dokokin Amirka Paul Ryan ya kare dokar shugaban kasar da ta haramtawa kasashen musulmi shiga Amurka da ya dauki hankalin duniya a halin yanzu, yana mai nadamar rudanin da batun ya haifar.

https://p.dw.com/p/2Wkpi
Collage - Donald Trump und Paul Ryan
Hoto: picture-alliance/AA/S. Corum&Getty Images/AFP/T. Katopodis

 

 Ryan dai ya ce hakki ne kan shugaban Amurka ya tabbatar da tsaron kasar, amma a daya hannun ya ji takaicin yadda matakin ya shafi baki masu tasiri ga kasar, musamman masu aikin fassara da matakin ya shafa.

Kakakin majalisar ta Amurka ya kuma ce tilas a dakata a kuma waiwayi harkokin baki da na 'yan gudun hijiran kasar ne saboda matakan tsaro na kasa.

Shuagabn Amurka Donald Trump dai, ya haramtawa baki daga kasashen Siriya da Yemen da Iran da Iraki da Somalia da

Libya da kuma Sudan ne na watanni uku, yayin da 'yan gudun hijira kuwa watanni hudu.

Daga yanzu kuwa babu batun zaman 'yan hijiran Siriya a kasar, a wani mataki na illa masha Allahu.