1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Ruwanda ta bar sojojinta a Sudan

Kimanin sojojin kasar Ruwanda 3500 ke aikin kiyaye zaman lafiya a kasar Sudan wanda tun can da farko gwamnatin kasar ta ce za ta janyesu

default

Shugaban Kasar Ruwanda, Paul Kagame

Majalisar Dinkin Duniya ta ce kasar Ruwanda ta yanke shawarar barin dakarunta masu lura da aikin kiyaye zaman lafiya a kasar Sudan.Tun can da farko dai hukumomin na kasar sun yi barazanar janye sojojin nasu .

Rahoton da Majalisar Dinkin Duniya ta bayyana ya zargi sojojin kasar ta Ruwanda da aikata kisan kiýasu a gabacin jamhuriyar Kongo. Kasar ta Ruwanda dai na da dakaru kusan 3500 da ke can jibge a Sudan, wacce ke fuskantar barazana barkewar wasu sabbin tashe-tashen hankula, dangane da zaben rabar-gardama da ake shirin gudanar wanda zai baiwa yankin kudancin kasar 'yancin cin kashin kai .

A halin da ake ciki dai hukumomin na Khartum sun ce a shirye suke su amince da duk yadda sakamakon zaben ya kaya .

Mawallafi :Abdourahamane Hassane

Edita : Halima Balaraba Abbas