1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Rumsfeld ka iya fuskantar tuhuma bisa ba da umarnin azabtarwa

Wata kungiyar lauyoyi dake kare mutanen da aka tsare a sansanin sojin Amirka dake Guantanamo Bay a can kasar Cuba, sun ce zasu yi karar sakataren tsaron Amirka mai barin gado Donald Rumsfeld dangane da rawar da ya taka wajen ba da umarnin azabtar da jama´a. Kungiyar ta ce a ranar 14 ga wannan wata na nuwamba zata gabatar da karar na aikata laifi a wata kotu dake nan Jamus. Kungiyar zata bukaci masu shigar da kara na tarayyar Jamus su fara wani bincike wanda zai duba akan zargin da ake yiwa manyan jami´an Amirka bisa ba da umarnin aikata laifukan yaki a karkashin matakan nan na yaki da ta´adda. Tsohon mai bawa fadar White House shawara akan harkokin shari´a kuma atoni janar a yanzu Alberto Gonzales da tsohon darakatn hukumar leken asirin Amirka George Tenet da wasu mayan jami´an Amirka na daga cikin wadanda za´a yi kararsu.