1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Rikicin tawaye a Niger

Ƙungiyar yan tawayen MNJ a Jamhuriya Niger, ta bayyana aniyar sakin ɗan kasar Sin ɗin nan, da ta yi garkuwa da shi, tun ranar juma´a da ta wuce.

Shugaban ƙungiyar, Aghali Allambo, ya bayyanawa kampanin dullancin labaran Reuters wannan labari.

A cewar Aghali Allambo , nan bada jimawa ba za su mika Zhang Guohua ga hukumar bada agaji da Croix Rouge kokuma Red Cross.

Ƙungiyar tawayen MNJ da ke ci gaba da kai hare-hare a yankin Agadaz mai arzikin ƙarƙashin ƙasa a Jamhuriya Niger, ta yi gargaɗi ga kampanonin ƙasashen ƙetare, masu ayyukan binciken ma´adanai, da su fice daga wannan yanki.