Rashin kyaun yanayi ya adabi jihar California
January 6, 2008Talla
Mutane biyu sun rasu sakamakon matsanancin sanyin hunturu a jihar California ta ƙasar Amirka. Ruwan sama da iska mai ƙarfi sun halaka wata mata a birnin Los Angeles sannan wani ma´aikaci ya gamu da ajalinsa lokacin da wata bishiya ta faɗi akansa a birnin Sacramento. Tun a ranar juma´a da ta gabata mazauna a jihar ta California suke fama da iska mai karfi da ruwan sama kamar da bakin ƙwarya da kuma dusar kankara. Yanzu haka an samu katsewar wutar lantarki a gidaje dubu 600 yayin da mutane dubu hudu suka bar gidajensu don fargabar zazzayawar ƙasa. A kuma jihar Nevada dake makwabtaka wata ambaliyar ruwa ta sa a tilas an kwashe dubban mutane zuwa tudun mun tsira.