Rasha ta fara daukar matakan ba sani ba sabo kan kungiyoyi masu zaman kansu
October 14, 2006Talla
Wata kungiyar da ba ta gwamnati a ba a Rasha wadda ta dukufa wajen shirya tarukan tuntubar juna tsakanin ´yan Rasha da ´yan Chechniya ta zama wata kungiya mai zaman kanta ta farko da aka haramta ayyukanta a karkashin sabuwar dokar yaki da masu tsattsauran ra´ayi. Wata jaridar Rasha ta rawaito cewa a yau asabar an rufe ofishin kungiyar ta abokan Rasha da Chechniya mai mazauni a a birnin Nizhny Novgorod dake yammacin kasar a karkashin sabuwar dokar da aka yiwa kwaskwarima. Tuni dai har kungiyar kare hakin bil Adama ta kasa da kasa wato Amnesty International ta yi tir da rufe ofishin kungiyar. A cikin wata sanarwa Amnesty ta ce sabuwar dokar ka iya ba wa hukumomin Rasha damar daukar irin wannan mataki akan sauran kungiyoyi masu zaman kansu.