1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Ranar tunawa da kisan kiyashin da aka yiwa Yahudawa a Jamus

A dangane da bukin ranar tunawa da kisan kiyashin da aka yiwa Yahudawa a lokacin yakin duniya na biyu, SGJ Angela Merkel ta yi kira da karfafa yakin da ake yi da masu matsanancin ra´ayin nuna wariya. Merkel ta mika godiyarta ga dukkan masu fafatukar shimfida demukiradiya bisa gudunmawar da suke bayarwa. A yau ne a fadin tarayyar Jamus ake gudanar da bukukuwan tunawa da aukuwar kisan kare dangi da aka yiwa Yahudawa. Za´a yi shiru na wasu mintuna tare da ajiye furanni a sansanin gwale gwale na Ausschwitz, inda a ranar 27 ga watan janerun 1945, aka ceto wadanda ake tsare da su a can. Alkalumman sun yi nuni da cewa mutane kimanin miliyan 6 daukacin su Yahudawa aka kashe a zamanin mulkin ´yan NAZI.