1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Rahoton shekara shekara na komitin kare hakkokin yan jarida na dunia

Komitin kare hakokin yan jarida na dunia, wato CPJ, ya bayyana rahoton sa na shekara ta 2005, a game da halin da yan jarida su ka gudanar da ayyuka.

A sakamokon wannan rahoto komitin yace an samu ci gaban mai ginan rijiya, ta fannin ayyukan jarida a kasashen daban daban na dunia.

Daga Latin Amurika, zuwa yankin gabas ta tsakiya,da wasu sassa na Afrika, ya jarida sun ga azaba, a shekara da ta gabata.

A jimilce, yan jarida 47 su ka rasa rayuka, a cikin aiki a tsawan shekara.

Sannan ga Karin wasu 22, da su ka mutu, daga farkon shekara banna kawo yanzu.

Idan a ka hada da shekara ta 2004, baki daya yan jarida, fiye da 100 su ka mutu cikin aiki.

Wannan su ne alkallumma mafi yawa, a tsawan shekaru 10, da su ka wuce.

Fiye da kashi 3 bisa 4, na wannan yan jarida, an kashe su, ta hanyar shirya masu ta´adanci, kuma ya zuwa yanzu, ba a hukunta wanda su ka shirya wannan kissa ba.

Ta bangaren yan jaridar da a ka kulle,baki daya addadin su, ya tashi 125 a kasashe 24 na dunia.