1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW

Putin ya gode wa Amirka kan kungiyar IS

Gazali Abdou Tasawa
December 17, 2017

Shugaba Putin na Rasha ya gode wa Shugaba Trump kan bayanan CIA na yunkurin Kungiyar IS na kai hari a birnin Saint-Petersbourg.

https://p.dw.com/p/2pVyu
Russland Moskau Präsident Putin bei PK
Hoto: Getty Images/AFP/A. Nemenov

Shugaba Vladmir Putin na Rasha ya gabatar da godiyarsa ga takwaransa na Amirka Donald Trump dangane da bayanan da hukumar leken asirin Amirka ta CIA ta bai wa kasarsar ta Rasha da kuma suka bai wa hukumar leken asirin kasar ta Rasha ta FSB damar bankado wani harin ta'addanci da Kungiyar IS  ta shirya kaiwa a birnin Saint-Petersbourg a jiya Asabar. 

Kamfanin dillancin labaran kasar ta Rasha ya ruwaito cewa Shugaba Putin ya isar da godiyar tasa ce a wata fira da ya yi ta wayar tarho a wannan Lahadi da Shugaba Trump. 

A ranar Jumma'ar da ta gabata hukumar leken asirin kasar ta Rasha ta FSB ta sanar da kama wasu mutane bakwai da ke shirin kai harin ta'addanci a birnin na biyu mafi girma a kasar ta Rasha tare da karbe tarin bindigogi da ababe masu fashewa kirar gargajiya wadanda mutanen suka so yin amfani da su wajen kai harin.