1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Pistorius zai yi shekaru 13 a kurkuku

Abdul-raheem Hassan
November 24, 2017

Kotun kolin kasar Afirka ta Kudu ta yanke hukuncin tsawaita wa'adin zaman gidan yari ga zakaran tseren nakasassu Oscar Pistorius, daga shekaru shida zuwa shekaru goma 13 bisa zargin kashe budurwarsa.

https://p.dw.com/p/2oApg
Oscar Pistorius
Hoto: picture-alliance/AP Photo/S. Mohamed

Da farko dai masu gabatar da karar kasar Afirka ta Kudu sun kalubalanci hukuncin shekaru shida da Kotu ta yankewa dan tseren da cewa ya yi sassauci,.

Tun da fari dai an yanke wa Pistorius hukuncin shekaru biyar ne bayan kotu ta sameshi da laifin kisa ba da gangan ba a kan buduwar tasa Reeva Steenkamp a shekarar 2013.

Zakaran dan wasan tseren Oscar Pistorius bai halarci zaman kotun na ranar Jumma'a ba, amma kotun ta yanke hukuncin tsawaita shekarun zaman sa a gidan yari tare da zabtare shekarun da ya yi na zaman wakafi a baya.