1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Italiya ta yi sabon Firaminista

Salissou Boukari
December 11, 2016

Shugaban kasar Italiya Sergio Mattarella, ya nada ministan harkokin wajen kasar Paolo Gentiloni a matsayin Firaministan kasar wanda ya canji Matteo Renzi da ya yi murabus

https://p.dw.com/p/2U6wC
Paolo Gentiloni Außenminister Italien
Hoto: Getty Images/AFP/A. Solaro

Shi dai sabon Firaministan na Italiya Gentiloni mai shekaru 62 a duniya, ana yi masa kallon na kusa da tsohon Firaminista Matteo Renzi mai murabus, wanda kuma jam'iyyarsa ta (DP) "Demokaratique Parti " ta saka shi a sahun gaba daga cikin wadanda take son su karbi wannan mukami. A jawabinsa na farko bayan bashi wannan mukami, sabon Firaministan na Italiya cewa ya yi:

"Ina mai imanin da bukatun da ke garemu cikin gaggawa na bai wa kasar Italiya sabuwar gwamnati mai cikeken iko, wadda za ta bai wa al'ummar kasar kwarin gwiwa da kuma fuskantar manyan kalubale da suka hada da hulda ta kasa da kasa, tattalin arziki da kuma al'umma kuma  dukkannin su cikin daukar niya da aiki tukuru."