1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Pakistan na adawa da shirin Kungiyyar kasashe renon Ingila

Pakistan ta yi kira ga ƙungiyyar ƙasashe renon Ingila da ta tsagaita yanke hukuncin dakatar da ita, a matsayin mamba a ƙungiyyar. Kakakin ma´aikatar harkokin wajen ƙasar ya ce tuni sabon faraminista, Mohammadmian Soomro ya buƙaci ƙungiyyar ta Commonwealth tura manzo izuwa ƙasar, don ƙalailaice halin da ake ciki. A gobe Alhamis ne wa´adin da Commonwealth ɗin ta ɗebarwa shugaba Musharraf yake ƙarewa, na ko dai ta cire dokar ta ɓacin data kafa ko kuma ta fuskanci hukuncin dakatarwa. A gobe ne dai ministocin ƙungiyyar na Commonwealth za su gudanar da taro, a babban birnin ƙasar Uganda,wato Kampala don tattauna wannan batu.