NASA ta dage ranar harba kumbon Atlantis.

Cibiyar binciken sararin samaniya ta Amurka, watau NASA, ta ɗage ranar harba kumbon Atlantis zuwa sararin samaniya, daga gobe asabar kamar yadda ada aka shirya, sabili da wasu matsaloli da suka shafi shirye-shiryen harba kumbon. Karo na biyu kenan NASA ke jinkirta shirinta na harba kumbon Atlatis cikin kwanaki biyu. Daman an shirya harba kumbon na Atlantis zuwa tashar binciken kimiya ta kasa da kasa dake cikin sararin samaniya, domin gudanar da bincike na tsawon kwanaki goma sha daya.