Najeriya na fuskantar rudanin tattalin arziki

A wani abun da ke zaman alamu na kara lalacewar lamura ga batu na tattalin arzikin Tarrayar Najeriya, babban bankin kasar na CBN ya ce tattalin arzikin kasar na fuskantar barazana ta durkushewa a karon farko. Tun dai a cikin kusan shekaru 25 din da suka gabata, kasar ta Najeriya ba ta samu matsi da ma hali mawuyaci irin na tattalin arzikin da ya kai na shekarar da ake ciki ta 2016. A karon farko dai kasar na fuskantar asarar da ta kai kusan kaso hudu a cikin dari na tattalin arzikin kasar a farko na watanni uku na wannan shekara.