1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Merkel ta yi marhabin da sabon wa´adin kan kundin tsarin mulkin EU

Shugabar gwamnatin Jamus Angela Merkel ta yi maraba da sabon tsarin lokacin da aka gabatar don ceto daftarin tsarin mulkin KTT. Gabanin a shiga rana ta biyu kuma ta karshe a taron kolin kungiyar EU a birnin Brussels, Merkel ta ce hakan zai bawa kundin wata sabuwar dama. A jiya mahalarta taron suka amince da karshen shekara ta 2008 ta kasance lokacin da za´a tsayar da shawara game da makomar kundin tsarin mulkin na EU. Merkel ta ce Jamus wadda zata karbi shugabancin karba-karba na kungiyar a watanni shidan farko na shekarar badi, zata ta da muhawwara akan kundin. Tun bayan da kasashe Faransa da NL suka kada kuri´ar kin tsarin mullkin a bara, aka yi watsi da shi.