1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Amsoshin takardunku

Menene ma’anar Jan digon goshin Matan Indiyawa

Bayanin game ma’anar Jan digon goshin Matan Indiyawa

Indiyawa Mata da Miji

Indiyawa Mata da Miji

Jama’a masu sauraronmu assalamu alaikum, barkammu da wannan lokaci, barkammu kuma da sake saduwa da ku a cikin wani sabon shirin na amsoshin takardunku,shirin da yake amsa tambayoyin da ku masu sauraro kukan aikomana.

Tambaya:Fatawarmu ta wannan makon ta fito daga hannun Malama Murjanatu Salihu Yar-Najeriya mazauniya a kasar Saudiyya, kuma mai sha’awar al’adun Indiyawa. Malamin yana tambaya ne akan cewar; Shin ko menene dalilin da ya sa Matan indiyawa suke yin Jan digo a goshinsu? Da me ake yin sa, kuma suna da shekaru nawa suke fara yi?

Amsa: To takaitacciyar amsa dai game da wannan batu shine cewar; Wannan Jan digo da Matan Indiyawa suke yi a goshinsu suna kiransa da suna “Tika’’ Idan kuma digon zagayayye ne to suna ce masa “Bindi’’ Kuma wannan wata alama ce dake nuna cewar matar da take da wannan digo a goshonta Matar aure ce.

A da ana yin wannan Jan digo na al’ada wato (“Tika’’ a indiyance) da wasu sunadarai na musamman, wanda a cikinsu harda toka, da kuma abin yin turaren wutar nan da ake kira “Sandalwood’’ amma a yanzu saboda sauyin zamani ana yin sa ne da wani ruwa na musamman ko kuma ayi hodarsa ta musamman, kai a wani lokaci ma ana yin sa da daye-manna wato (Sticker) a turance.

To sai dai a halin yanzu saboda sauyin zamani, Matan na indiya basa bin wannan al’ada sosai kamar da, kuma ma dai a yanzu amfi daukar yin wannan digo na goshi a matsayin kwalliya mai makon al’ada da aka gada iyaye da kakanni.

  • Kwanan wata 28.08.2007
  • Mawallafi Abba Bashir
  • Bugawa Buga wannan shafi
  • Permalink http://p.dw.com/p/BvUj
  • Kwanan wata 28.08.2007
  • Mawallafi Abba Bashir
  • Bugawa Buga wannan shafi
  • Permalink http://p.dw.com/p/BvUj